پنجشنبه 15 فروردين 1392

چلله گجه سی

چلله گجه سی

فولکلورخلق روحنیدان دوغولان و خلق ایچون یازیلان بیرادبیات درآذربایجان آغیز بیاتین نوعلری .

1-آتالار سوزی یا ائل سوزلری 2-بایا تیلار 3- لای لای4-تاپاچالار 5 -ناغیلار 6-داستانلار 7-شرقیلر(ماهنیلار)8-حکایه لر9- اویونلار10-آغیلار11-گافلار

ناغیل لار

عمومی صورتده بابالار ،آتا لار خصوصا آنالار آزچوخ ناغیل بیلیب لازمه گلن وقتلرده اوشاقلاری مشغول ائتمک و یاتیرماق ایچون دئیه لر .

ناغیل لاری بوجور باشلاردیلار .

1-شاه عباس جنت مکان ترزیه ووردی تکان  ایکی قوز بیر گردکان – حمام حمام ایچینده قلبیر سامان ایچینده دوه دلک لیک ائده ر کهنه حمام ایچینده  -- ای گوزم گوز آختاریر سن کیمی یاراله دشمه ز آغزیندا دیشینی باشدا کاکلینی کیمی گلزار اله دشمه ز .

2-راویان اخبار – ناقلان آثار – طوطیان شکر – شکن شیرین گفتار – بویله رواست ائدیرلر ائللر بیزیم ائللر – اورادا سویله نیلن دیللر بیزیم دیللر – لاکن ایران ائوزگه ایران دوران اوزگه دوران ایمیش .

3-ای اهل صفا و یاران با وفا :

بیزیم نه شاهلار کیمی فرمانیمیزوار نه حکیملر کیمی درمانیمیز – واردان یوخدان آزدان چوخدان بش کلمه سوز یمیزوار ایندی آنلیانلار حضورینه سویله ریک .       

4 -سیزه هاردان دئیم آزدانیشانلاردان – ئیره باخانلاردان – سوکیمی لام آخانلاردان معورمین اتیلرده ن – اولامیان چاقالاردان – دگمه دوش لردان – کوسن لرده ن –اوغرولاردان – یالا نچیلاردان – وفاسیزلاردان – بهتا نچیلاردان – بوزومنیب چای دان کئچنده ن – خوروز بیلینده بوستان اکنده ن -قویرو قلی یالانا – رحمت قویر قسوز دوزه  - آلقیش یازانا قارقیش پوزانا – سوز قالسینی انسان گئیسن – دوست واراولسون دشمن خاراولسون – ایندی یتیک مطلبه .

خوشبخت کیشی :

بیری واریدی – بیری یوخدی – الله دان باشقا بیرکس یوخیدی .

بیر تاجرین مغازه سنین قابا غیندا بیر پینچه چیلیک ائیله ائوز یاشایشینی تامین ائدیردی و همیشه شاد گورونوردی تاجر بونون شاد اولماسیندان تعجبا ائدیردی اوزی اوزینه دیردی منیم بوقدرپولوم مالیم ائویم ملکیم اولا اولا من شاد اولا بیلمیرم بو پینچه چی بو قدهر شاد وور حتما بیر سیسی وار.

بیر گون تاجر پینه چیه دئدی منی بیر گئجه قوناق چاغیر .پینه چی دیدی باش اوسته صباح گئجه تشریف گتیرون . صاباح گئجه تاجر پینه چی گیله قوناق گئدیر پینه چی ممکن اولولغیدان تاجردن پذیرالیق ائیله یر . صحبت آراسیندا بیربورک موضوعی آرایا گلیر پینه چی خانمینا دییر گئت اوبورکی گتیر . پینه چی بورکی آلاندان صونرا دئیر بوبورکی یوخ آپار اوبیر سینی گتیر . خانم بورکی آپاریر تازادان گتیریر . خلاصه بو ایش 7-8 دفعه تکرار اولور تاجرین شکی آرتیر پینه چیه دییر من یقین ائدیرم که سن پول تا پمیسان و الا بیرنفرکاسپین بوقدر بورکی اولملز گره ک منه دوزسن دییه سن – پینه چی جواب وئریر حاجی آقا سهو ائدیرسن من پول تا پما میشام منیم بورکم بیر دانه درمنیم آروادیم اهل دور ایسته مه دی سنین یانوندا خجالت چکیم همان بورکی نئچه دفعه گتیردی وسیز متوجه اولمادیز منیم شادلیقموندا سببی آروادیمین دوشو   اولماسیدور – آبالاردئمیشلر آرواد بنادی کیشسی فعله گویده ن

اوچ آلمادوشدی – بیری منیم بیری ناغیل دیه نین – بیرده اوزیمین گئچی بیک .

گئچی نین کافی قدرتوکی اولمادینی ایچون قیش گونلرینده قویونون دالینا سیخیشار تا قیزیشسین قویون سوروشارکیمدی ؟ گچی جواب وئره ر نوکرین گئچی .

بهار و یایدا گئچی سورونون قاباغینادوشر، هرده ن بیر داش دیگیرلر . قویون سوروشار کیمیدی ؟

گئچی غروریله دییه ر گئچی بیگ .

انسانلارین بیر قسمتی بیله دیر ، احتیاجی اولاندا تملقایده ر ، اولمویاندا غرور گوستره ر .                                      

                                              فولکلوردان نمونه لر

1-آتا لار سئوزی :

یورقاینوا گوره قیچین اوزالت --- آتا آنا اولمویان آتا آنا قدرینی بیلمه ز ---

آجا میت حلالدیر--- آدامسیز لاریندا آدامی وار--- آغیز یاندیران آشی گوز تانیر

آغلاما غین باشارمیان اولوسین تون بتون سالار ---آناسینا باخ قیزین آل قیراغینا باخ بئزین---

ائل گوجی ، ئیل گوجی ، سئل گوجی--- نه سالسان آشووا اودا گلر قاشیقوا—

بالا با شا بلادور اولماسا کربلادور---قوناخ اومدوغون ئمیه دی---قوناخ قوناغی گوره نمزایوصاحبی هیچ بیرین .

2-بایاتیلار :

آغ آلما قیزیل آلما *نیمچیه دوزول آلما * چرکین آل نجیب اولسون * نانجیب گوزه ل آلما

آغ آلمانی سویارلار*آغ بشقابا قویارلار*چاغریلمویان قوناغی*قاش گوزنین

قووارلار

بولود ئیندی داغلارا *خزان گلدی باغلارا*فلکین گرد شیندن*عمر گون گئچیر قارا

عزیزیم گل اللر *آغ بیلکلر گل اللر*دنیا جا عقلین اولسا*یوخسول اولسون گلرلر

عزیزیم دالدا ئیری*مه توتماز دالدائیری*ایکی کونول بیر اولسا*تز تاپار دالدا  یری

- لای لای لار :

لای لای دیدیم یاتاسان*قیزیل گله باتاسان *قیزیل گلین ایچینده *شیرین یوخو یاتاسان

لای لای بئشگیم لای لار*ایویم اشیگیم لای لای*سن یات شیرین یوخوآل*من چکم کشیگین لای لای

بالام یاتیر بئشیکده*بولبول اوخوراشیکده*شن یات یوخون آل گیلن*من دورموشام گشیکده

بالاما قربان اینکلر*بالام نا واخت ایمه کلر*بالام قربان ایلانلار*بالام ناواخت دیل آنلار

 تاپما جالار و یا هالما جالار :

3-اونمنه دی آغاج دگیل یارپا خلاری وار ، کونیک دگیر تیکیلیب ، آدام دگیل دانیشار (ج-کتاب )

اونمنه دی اوستی چمن بیچه رلر آلتی بولاخ ایچه رلر (ج- قویون )

آت اوسته گئده آروادا باخ گور کیشی نی دالیدان نئجه قوقلیوب آرواد دئدی الله بوکیشیه عمر ویرسین بوکیشی نین آروادینن  قارداشی منیم دائیم دی . (ج- بالا ایدی )

بیر ئیرده اوچ پشیک واریدی هر پیشگین قابا غیندادا ایکی پیشیک واریدی جمعا نئچه پیشیک واریدی ؟ (ج- اوچ پیشیک )

 

                                                   گربه

                                      گربه                     گربه                   

 

                                                                                 

سخنرانی احمد سلیمی فرد بمناسبت شب یلدا در ساختمان یاشیل میشو

                                                   12/9/1389

 

 



 

کليه حقوق اين سايت متعلق به گروه زیست محیطی یاشیل میشو شهرستان شبستر می باشد و استفاده از مطالب آن با ذکر منبع بلامانع است
تلفن: 04142421810 - فاکس: 04142427272 - پست الکترونيک: Yashilmisho.ngo@gmail.com

Designed by Shabestar.net