چهارشنبه 12 آذر 1393

شعری در حفاظت از حیات وحش

گورنده یغیشوب بیر بله انسان                          خسته کونلوم تاپیر جانی میشودا

طبیعتی  کرمنین  یارالدوب                               باخ اونون قدرتین تانی میشودا

                       **************************
اوچی انصاف ایله گل تله قورما                          گونی  یاندیرما مِشنی  قیرما

پناه سوز حیوانی اولدورمه وورما                        آزاد قویاخ هر حیوانی میشودا

                       **************************
باخاندا یاماجا باخاندا دوزه                               کهنه یارالاروم تز گلیر اوزه

گچنلردن قالوب یادگار بیزه                               خسته تاپار تیز درمانی میشودا

                       **************************

داغلار حسرت چکیر ائلر گله له                        خائنلرین سینه سینی دله له

هامولوخجا اگر ورساخ ال اله                           یاز ایلروخ زمستانی میشودا

                       **************************
گلین بیز گوزلیاخ قوردونان قووشی                    علمدار گوی زنگی نهل آغ بوشی

قیرمیاخ داغلاردا هیچ یارانموشی                     با هم  وراخ  امتحانی  میشودا

                       **************************
زمان  خائنلری  الیر  اوزلئیر                             دوغری انسان حقیقتی دوزلیر

داغچی لارکی بیله داغی گوزلیئر                     فخر ائلسین جنگل بانی میشودا

                       **************************
خوش اولار چشمه لر سولاری آخسا                لیسان شاقولدایوب شمئکلر شاخسا

هرکیم طبیعتی گوزلویوب باخسا                     یاخشی ساخلا کرم کانی میشودا

                       **************************
بینسلی یعقوب دا قلم چالا جاق                    اثرلری تاریخلرده قالاجاق

گلن نسیل بیزدن خبر آلاجاق                        جیرانلار قارتالار هانی میشودا


                                                یعقوب چوپانیان بنیسی –  1389  همایش سالروز تاسیس گروه زیست محیطی یاشیل میشو



 

کليه حقوق اين سايت متعلق به گروه زیست محیطی یاشیل میشو شهرستان شبستر می باشد و استفاده از مطالب آن با ذکر منبع بلامانع است
تلفن: 04142421810 - فاکس: 04142427272 - پست الکترونيک: Yashilmisho.ngo@gmail.com

Designed by Shabestar.net